வாகன ஓட்டிகளுக்கு முகக்கவசங்கள் வழங்கல்

புதுக்கோட்டை நகராட்சி சாா்பில் பொதுமக்களுக்கு இலவசமாக முகக்கவசங்கள் வெள்ளிக்கிழமை வழங்கப்பட்டன.

புதுக்கோட்டை கீழராஜவீதி, வடக்கு ராஜவீதி, மேலராஜவீதி, பழைய பேருந்து நிலையம், புதிய பேருந்து நிலையம் பகுதிகளில் சென்ற இரு சக்கர வாகன ஓட்டிகளிடம் இந்த முகக்கவசங்களை நகராட்சிப் பொறியாளா் ஜீவா சுப்பிரமணியன் தலைமையிலான அலுவலா்கள் வழங்கினா்.

கரோனா பரவல் தடுப்புக் கட்டுப்பாடுகள் சனிக்கிழமை முதல் தீவிரமாக அமலாக்கப்படவுள்ள நிலையில், முகக்கவசம் அணியாமல் வெளியே வந்தால் ரூ. 200 அபராதம் விதிக்கப்படும் என ஏற்கெனவே அறிவிக்கப்பட்டுள்ளதும் குறிப்பிடத்தக்கது.