கரோனா: ஆலங்குடி அரசு மருத்துவமனையில் 50 படுக்கை வசதிகளுடன் சிகிச்சை

ஆலங்குடி அரசு மருத்துவமனையில் கரோனா தொற்றாளா்கள் சிகிச்சை பெறும் வகையில், 50 படுக்கை வசதிகள் ஏற்பாடு செய்யப்பட்டுள்ளன என்றாா் மாநிலச் சுற்றுச்சூழல், இளைஞா் நலன் மற்றும் விளையாட்டுத் துறை அமைச்சா் சிவ.வீ. மெய்யநாதன்.

புதுக்கோட்டை மாவட்டம், ஆலங்குடி அரசு மருத்துவமனையில் மேற்கொள்ளப்பட்டுள்ள கரோனா தடுப்பு நடவடிக்கைகள் குறித்து வெள்ளிக்கிழமை ஆய்வு மேற்கொண்ட அவா், பின்னா் செய்தியாளா்களிடம் கூறியது:

இம்மருத்துவமனையில் கரோனா தொற்றாளா்கள் தங்கி சிகிச்சை பெறும் வகையில், 50 படுக்கை வசதிகள் ஏற்பாடு செய்யப்பட்டுள்ளன. இதற்குத் தேவையான மருத்துவா்கள், செவிலியா்கள், இதரப் பணியாளா்களை சில நாள்களில் நியமனம் செய்ய நடவடிக்கை மேற்கொள்ளப்பட்டுள்ளது.

மருத்துவமனைக்குத் தேவையான ஆழ்குழாய்க் கிணறு, நீா்த்தேக்கத் தொட்டி, மகப்பேறு பிரிவு, புறநோயாளிகளுக்கான தனி கட்டடம் உள்ளிட்ட கோரிக்கைகள் மருத்துவமனையின் நிா்வாகத்தின் சாா்பில் பெறப்பட்டுள்ளது. இதனை நிறைவேற்ற உரிய நடவடிக்கை மேற்கொள்ளப்படுவதுடன், ஆலங்குடி அரசு மருத்துவமனையினை சிறப்பு வாய்ந்த மருத்துவமனையாக மாற்றுவதற்கு தேவையான நடவடிக்கைகளும் மேற்கொள்ளப்படும்.

ஆலங்குடி அரசு மருத்துவமனையில் போதுமான அளவு தடுப்பூசி இருப்பு உள்ளது. முதல்வா் மு.க.ஸ்டாலின் மேற்கொண்டுவரும் கரோனா தடுப்பு நடவடிக்கைகளுக்கு பொதுமக்கள் உறுதுணையாக இருக்க வேண்டும் என்றாா் அவா்.

ஆய்வின்போது ஆட்சியா் பி.உமாமகேஸ்வரி, ஊரக நலப்பணிகள் இணை இயக்குநா் ராமு, தலைமை மருத்துவா் மு.பெரியசாமி, பேரூராட்சி செயல் அலுவலா் கணேசன் உள்ளிட்டோா் உடனிருந்தனா்.