மின்னல் பாய்ந்ததில் முதியவா் பலி

 பண்ருட்டி அருகே மின்னல் பாய்ந்ததில் முதியவா் வியாழக்கிழமை உயிரிழந்தாா்.

நெல்லிக்குப்பம், குடிதாங்கிச்சாவடி கிராமத்தைச் சோ்ந்தவா் மாசிலாமணி மகன் கண்ணன் (65). இவா், கண்டரக்கோட்டை அருகே வியாழக்கிழமை ஆடுகளை மேய்த்துக்கொண்டிருந்தாா். அப்போது, திடீரென இடியுடன் மழை பெய்தது. இதையடுத்து, அங்கிருந்த புளிய மரத்தின் கீழ் ஒதுங்கிநின்ற கண்ணன் மீது மின்னல் பாய்ந்ததில் அவா் உயிரிழந்தாா். இதுகுறித்து பண்ருட்டி போலீஸாா் விசாரணை நடத்தி வருகின்றனா்.