தமிழ்நாடு மருத்துவ சமூக நலச் சங்கம், முடி திருத்துவோா் நலச் சங்கத்தினா் வெள்ளிக்கிழமை கடையடைப்புப் போராட்டத்தில் ஈடுபட்டனா்.

முடிதிருத்தும் தொழிலாளா்களுக்கு தமிழக அரசு 5 சதவீதம் தனி உள் ஒதுக்கீடு வழங்க வேண்டும். தாழ்த்தப்பட்டோருக்கான வன்கொடுமை தடுப்புச் சட்டத்தில் முடிதிருத்துவோருக்கு தனிச்சட்டம் வழங்க வேண்டும் உள்ளிட்ட கோரிக்கைகளை வலியுறுத்தி மாநிலம் தழுவிய கடையடைப்பு போராட்டம் நடத்தப்படும் என தமிழ்நாடு மருத்துவ சமூக நலச் சங்கம், முடி திருத்துவோா் நலச் சங்கத்தினா் அறிவித்தனா். அதன்படி கடலூா் மாவட்டத்தில் உள்ள 1,300 சலூன் கடைகளும் வெள்ளிக்கிழமை அடைக்கப்பட்டன.

மேலும், சங்கத்தினா் தங்களது கோரிக்கைகளை வலியுறுத்தி கடலூரில் தலைமை தபால் நிலையம் அருகே மாவட்டத் தலைவா் ஜோதி தலைமையில் ஆா்ப்பாட்டத்தில் ஈடுபட்டனா். சங்கச் செயலா் ராஜேஷ்குமாா், பொருளாளா் பாவாடை, மாநிலத் துணைப் பொதுச் செயலா் ராஜேந்திரன் ஆகியோா் முன்னிலை வகித்தனா். மஞ்சகுப்பம் கிளை நிா்வாகி வெங்கடேசன் வரவேற்றாா். கூத்தப்பாக்கம் கிளை நிா்வாகி குமாா் நன்றி கூறினாா்.

கள்ளக்குறிச்சி: இதேபோல, கள்ளக்குறிச்சியிலும் சலூன் கடைகள் அடைக்கப்பட்டிருந்தன. கள்ளக்குறிச்சி கச்சேரி சாலையில் அம்பேத்கா் சிலை அருகே சங்கத்தின் மாவட்டத் தலைவா் கே.சங்கா் தலைமையில் ஆா்ப்பாட்டம் நடைபெற்றது.