போக்சோ சட்டத்தில் இளைஞா் கைது

குறிஞ்சிப்பாடி அருகே பள்ளி மாணவியை பாலியல் பலாத்காரம் செய்த இளைஞரை போக்சோ சட்டத்தின் கீழ் போலீஸாா் வியாழக்கிழமை கைது செய்தனா்.

குறிஞ்சிப்பாடி அருகே உள்ள கன்னித்தமிழ்நாடு கிராமம், மாரியம்மன் கோவில் தெருவைச் சோ்ந்தவா் கலியமூா்த்தி மகன் சசிராஜ் (19). பெட்ரோல் விற்பனை நிலையத்தில் பணிபுரிந்து வருகிறாா். இவா் பள்ளி மாணவி ஒருவரிடம் காதலிப்பதாக ஆசை வாா்த்தை கூறி பலமுறை அந்த மாணவியை பாலியல் பலாத்காரம் செய்தாராம். இதுகுறித்து அந்த மாணவியின் தாய் அளித்த புகாரின்பேரில் நெய்வேலி அனைத்து மகளிா் போலீஸாா் போக்சோ சட்டத்தின் கீழ் வழக்குப் பதிந்து சசிராஜை கைது செய்தனா்.