நெய்வேலியில் திமுக-அதிமுக நேரடி பலப்பரீட்சை...!

கடலூா் மாவட்டத்தில், புதிதாக உருவாக்கப்பட்ட தொகுதி நெய்வேலி. இங்கு வில்லுடையான்பட்டு முருகன் கோயில், கொஞ்சிக்குப்பம் அய்யனாா் கோயில், மேல்காங்கேயன்குப்பம் அங்காளம்மன் கோயில், போ்பெரியான்குப்பம் அனந்தீஸ்வரா் கோயில், வேகாக்கொல்லை வீரட்டானேஸ்வரா் என சிறப்பு வாய்ந்த கோயில்கள் அமைந்துள்ளன.

தொகுதியின் சிறப்பு: இத் தொகுதி செழிப்பான செம்மண் பூமி என்பதால் பலா, முந்திரி விளைச்சலுக்கு பெயா் பெற்றது.

மத்திய அரசின் பொதுத் துறை நிறுவனமான என்எல்சிா இங்கு அமைந்துள்ளது. மேலும், இங்கு பழுப்பு நிலக்கரியில் இருந்து அனல் மின்சாரம் உற்பத்தி செய்யப்பட்டு தமிழகத்துக்கு மட்டுமன்றி அண்டை மாநிலங்களுக்கும் மின் விநியோகம் செய்யப்படுகிறது. என்எல்சி நிறுவனத்தில் பொறியாளா்கள் மற்றும் அதிகாரிகள், நிரந்தரத் தொழிலாளா்கள், இன்கோசா்வ் மற்றும் ஒப்பந்தத் தொழிலாளா்கள் என மொத்தம் 25,000 போ் பணியாற்றுகின்றனா். தொகுதியிலுள்ள வாக்காளா்களில் மூன்றில் ஒரு பகுதியினா் தொழிலாளா்கள்.

கள நிலவரம்: கடந்த 2011-ஆம் ஆண்டு தொகுதி மறுசீரமைப்பின்போது, நெல்லிக்குப்பம் தொகுதி நீக்கப்பட்டு, நெய்வேலி நகரியம், பண்ருட்டி ஒன்றியக் கிராமங்களான காடாம்புலியூா், மருங்கூா், கீழக்கொல்லை, கீழக்குப்பம், நடுக்குப்பம், மானடிக்குப்பம், முத்தாண்டிக்குப்பம், போ்பெரியான்குப்பம், புலவன்குப்பம், நடுமேட்டுக்குப்பம், வீரசிங்கன்குப்பம், குடியிருப்பு, சொரத்தூா், காட்டுக்கூடலூா், பாவைக்குளம் மற்றும்

குறிஞ்சிப்பாடி ஒன்றியக் கிராமங்களான சிறுதொண்டமாதேவி, சமுட்டிக்குப்பம், கிருஷ்ணங்குப்பம், பொன்னங்குப்பம், வேகாக்கொல்லை, புலியூா், எ.புதூா், கீழூா், பாச்சாரப்பாளையம், வடக்குத்து, வடக்குமேலூா், வானதிராயபுரம், தென்குத்து ஆகிய கிராமங்களுடன் இந்திராநகா், மாற்றுக் குடியிருப்பு உள்ளிட்டவை இடம் பெற்றுள்ளன.

சிறு, குறு மற்றும் நடுத்தர தொழிற்சாலைகள் அமைந்துள்ளன. முந்திரி சாா்ந்த குடிசைத் தொழில்களில் கிராமத்தைச் சோ்ந்த 80 சதவீதம் பெண்கள் வேலை வாய்ப்பு பெறுகின்றனா்.இத்தொகுதியில் வன்னியா்கள் அதற்கடுத்து ஆதிதிராவிடா்கள் அதிகளவில் உள்ளனா். செட்டியாா், நாயுடு என பிற சமூகத்தினா் குறைந்த அளவே உள்ளனா்.

தீா்க்கப்படாத பிரச்னைகள்:

இங்கு முந்திரி, பலா முக்கிய சாகுபடி பயிா். முந்திரி சாகுபடி பரப்பை அதிகரித்து, வீரிய ரகக் கன்றுகளை வழங்கி உற்பத்தியை பெருக்க முனைப்பு காட்டவில்லை. முந்திரி தொழிலானது முழுமையாக

இறக்குமதி முந்திரி கொட்டைகளை நம்பியே நடைபெறுகிறது. பலா அதிகளவில் விளைந்தாலும், சாலையோரத்தில் கொட்டி வைத்துதான் விற்பனை செய்ய வேண்டிய நிலை தொடா்கிறது. கேரளத்தைப் போல பலாவை மதிப்புக் கூட்டுப் பொருளாகத் தயாரித்து விற்பனை மற்றும் ஏற்றுமதி செய்வதற்கான திட்டம் ஏதுமில்லை.

என்எல்சி இந்தியா நிறுவனத்தால் நிலத்தடி நீா் மட்டம் சுமாா் 600 அடி ஆழத்துக்குச் சென்று விட்டதாகக் கூறுகின்றனா். என்எல்சி நிலக்கரி சுரங்கத்தில் வைக்கப்படும் வெடியால் வீடுகள் மற்றும் விளைநிலங்களில் உள்ள ஆழ்துளைக் கிணறுகள் சேதம் அடைகின்றன. இதனால், குடிநீா் மற்றும் பாசனத்துக்கு தண்ணீா் தட்டுப்பாடு ஏற்படுகிறது. மழைக் காலத்தில் வெள்ளத்தினால் விவசாய பயிா்கள் பாதிக்கப்படுவதாக விவசாயிகள் கவலை தெரிவிக்கின்றனா்.

என்எல்சி இந்தியா நிறுவன விரிவாக்கத்துக்கு கையகப்படுத்தப்படும் வீடு, நிலங்களுக்கு உரிய இழப்பீடு, குடும்பத்தில் ஒருவருக்கு நிரந்தர வேலை வழங்கவேண்டும். என்எல்சியில் பணியாற்றும் ஒப்பந்தத் தொழிலாளா்களுக்கு சம வேலைக்கு சம ஊதியம், பணி நிரந்தரம் என்பது முக்கியக் கோரிக்கைகளாகும்.

இருமுனைப்போட்டி...

2011-ஆம் ஆண்டுமுதல் தோ்தலை சந்தித்து வருகிறது நெய்வேலித் தொகுதி. முதல் தோ்தலில் தொகுதியை கைப்பற்றிய பெருமை அதிமுகவைச் சோ்ந்த எம்.பி.எஸ்.சிவசுப்பிரமணியத்தை சாரும். அதனைத் தொடா்ந்து நடைபெற்ற இரு தோ்தல்களில் திமுகவைச் சோ்ந்த சபா. ராசேந்திரன் வெற்றி பெற்று, தற்போது மூன்றாவது முறையாக களம் காண்கிறாா்.இதேபோல, அதிமுக சாா்பில் சொரத்தூா் ரா.ராஜேந்திரன் களத்தில் உள்ளாா்.

இவா்கள் இருவருமே சொரத்தூா் கிராமத்தைச் சோ்ந்த உறவினா்கள் என்பது குறிப்பிடத்தக்கது. இதுதவிர நாம் தமிழா் கட்சி சாா்பில் பூ.வீரமணி, தவெக சாா்பில் க.ஆனந்த், தமிழக வாழ்வுரிமைக் கட்சி சாா்பில் தி.திருமால்வளவன் உள்ளிட்ட 11 போ் களத்தில் உள்ளனா்.இந்தத் தொகுதியை பொருத்தவரையில், 5முனைபோட்டியாக இருந்தாலும், திமுக, அதிமுக இடையே மட்டுமே கடும் போட்டி நிலவுகிறது.

வேட்பாளா்களின் பலம்-பலவீனம்...

சபா.ராசேந்திரன்(திமுக):

பலம்: சொந்தத் தொகுதியைச் சோ்ந்தவா். தொகுதி மக்கள் மற்றும் கட்சி நிா்வாகிகளுடன் நன்றாக பழகி குறைகளை அறிந்து தேவையான நடவடிக்கைகளை எடுக்கக் கூடியவா். கூட்டணி கட்சிகள் மற்றும் தொழிற்சங்கங்கள் பலம் உள்ளது.

பலவீனம்: என்எல்சி நிறுவன ஒப்பந்தத் தொழிலாளா்கள் போராட்டத்திற்கு ஒத்துழைப்பு வழங்கவில்லை என்ற ஆதங்கம்

நிலவுகிறது. கடந்த உள்ளாட்சித் தோ்தலில் தனது சகோதரா் சபா. பாலமுருகனை, பண்ருட்டி ஊராட்சி ஒன்றியக் குழுத் தலைவராக்கியது, கட்சி நிா்வாகிகளிடையே அதிருப்தியை உருவாக்கியது.

மேலும் கடந்த சட்டப்பேரவைத் தோ்தலில் திமுக கூட்டணியில் இருந்த தமிழக வாழ்வுரிமைக் கட்சி, தற்போது தனித்து நிற்பதால் திமுக வாக்குகள் குறைய வாய்ப்புள்ளதாக கருதப்படுகிறது.

சொரத்தூா் ரா.ராஜேந்திரன்(அதிமுக):

பலம்: குறிஞ்சிப்பாடி தொகுதி முன்னாள் எம்எல்ஏவாக இருந்தவா். தொகுதிக்கு நன்கு அறிமுகமானவா். கட்சி நிா்வாகிகளுடன் நன்றாக பழகக்கூடியவா். மேலும், பாமக (ராமதாஸ் அணி) மாவட்டச் செயலா் கோ.ஜெகன், அதிமுக வேட்பாளா் சொரத்தூா் ரா.ராஜேந்திரனுக்கு ஆதரவாக களப் பணியில் ஈடுபட்டுள்ளது கூடுதல் பலம். கடந்த தோ்தலில் சபா.ராஜேந்திரனை எதிா்த்து பாமக சாா்பில் போட்டியிட்ட கோ.ஜெகன் குறைந்த வாக்குகள் வித்தியாசத்தில் வெற்றி வாய்ப்பை இழந்தவா்.

பலவீனம்: அரசியல் பலத்தை தாண்டி வாக்கு பெற முடியாத நிலை.

தி.திருமால்வளவன்(தவாக): இவா், தமிழக வாழ்வுரிமைக் கட்சித் தலைவா் தி.வேல்முருகனின் மூத்த சகோதரா். நெய்வேலி தொகுதியைச் சோ்ந்தவா். முதல் முறையாக போட்டியிடுகிறாா். இத்தொகுதியில் தவாகவுக்கு என வாக்கு வங்கி உள்ளது.

இதேபோல, நாம் தமிழா் கட்சி சாா்பில் பூ.வீரமணி, தமிழக வெற்றிக் கழகம் சாா்பில் க.ஆனந்த் ஆகியோா் முதல்முறையாக களம் காண்கின்றனா். இவா்கள் குறிப்பிட்ட சதவீதம் வாக்குகளை பிரிப்பதற்கு வாய்ப்பு அதிகம்.

யாருக்கு வாய்ப்பு?

இந்த முறை நெய்வேலி தொகுதியில் தவாக வேட்பாளரின் தீவிர பிரசாரமும், இளைஞா்கள் மற்றும் இளம் பெண்களின் விசில் சப்தமும் அதிகமாக உள்ளதால், சிதறும் வாக்குகள் யாருக்கு சாதகம், எவருக்குப் பாதகமாக அமையும் என்பது வரும் மே 4-ஆம் தேதி தெரியவரும்.

மொத்த வாக்குச்சாவடிகள்: 256

வாக்காளா்கள் விவரம்:

ஆண்கள்: 94,505

பெண்கள்: 94,503

மூன்றாம் பாலினத்தவா்: 16

மொத்தம்: 1,89,024