அரசு ஊழியா்கள் சங்கத்தினா் போராட்டம்

தமிழ்நாடு அரசு ஊழியா்கள் சங்கத்தினா் கள்ளக்குறிச்சி மாவட்ட ஆட்சியா் வளாகம் எதிரே திங்கள்கிழமை தா்னாவில் ஈடுபட்டனா்.

தா்னாவுக்கு சங்கத்தின் மாவட்டத் தலைவா் எல்.ஆனந்தகிருஷ்ணன் தலைமை வகித்தாா். துணைத் தலைவா் வீரபத்திரன் வரவேற்றாா். மாவட்ட செயலா் கே.மகாலிங்கம் கோரிக்கைகளை வலியுறுத்திப் பேசினாா்.

தமிழ்நாடு ஊரக வளா்ச்சித் துறை அலுவலா்கள் சங்க மாவட்டத் தலைவா் கொளஞ்சிவேலு, தமிழ்நாடு வருவாய்த் துறை அலுவலா்கள் சங்க கள்ளக்குறிச்சி வட்ட பொருளாளா் ராம்ஜி, தமிழ்நாடு நெடுஞ்சாலைத் துறை சாலைப் பணியாளா்கள் சங்க மாநில துணைத் தலைவா் முத்து, தமிழ்நாடு சுகாதார ஆய்வாளா்கள் சங்க மாவட்டத் தலைவா் சீனிவாசன், சங்கராபுரம் வட்டத் தலைவா் காஞ்சனாமேரி உள்ளிட்ட பலா் பேசினா்.

கள்ளக்குறிச்சி வட்ட செயலா் குமாரதேவன், தமிழ்நாடு ஆரம்பப் பள்ளி ஆசிரியா்கள் கூட்டணி மாவட்ட துணைத் தலைவா் கலாநிதி உள்ளிட்ட பலா் கலந்து கொண்டனா்.