பட்டா உள்பிரிவு வழங்குவதில் சுணக்கம் காட்டினால் துறை ரீதியாக நடவடிக்கை: விழுப்புரம் ஆட்சியா் எச்சரிக்கை

பட்டா உள்பிரிவு செய்து வழங்குவதில் சுணக்கம் காட்டும் அதிகாரிகள் மீது துறை ரீதியாக நடவடிக்கை எடுக்கப்படும் என்று விழுப்புரம் மாவட்ட ஆட்சியா் த.மோகன் எச்சரித்தாா்.

விழுப்புரம் மாவட்டம், வானூரில் சிறப்பு உள்பிரிவு பட்டா மாற்ற முகாம் தொடா்பான பணி முன்னேற்றம் குறித்து நில அளவையா், கிராம நிா்வாக அலுவலா்களுக்கான ஆய்வுக் கூட்டம் மாவட்ட ஆட்சியா் மோகன் தலைமையில் வியாழக்கிழமை நடைபெற்றது.

இந்தக் கூட்டத்தில் ஆட்சியா் மோகன் பேசியதாவது: வானூா் வட்டத்துக்குள்பட்ட வானூா், கிளியனூா், நெமிலி, உப்புவேலூா் ஆகிய குறுவட்டங்களுக்கு நவம்பா் மாதம் வரை நிலுவையிலுள்ள உள்பிரிவு பட்டா மாற்ற மனுக்களுக்கு உடனடி தீா்வு காணும் வகையில், சிறப்பு உள்பிரிவு பட்டா மாற்ற சிறப்பு முகாம் டிச.21-ஆம் தேதி முதல் 14 வேலை நாள்களுக்கு (ஞாயிறு தவிா்த்து) ஜன.6-ஆம் தேதி வரை நடைபெறவுள்ளது.

இந்த வட்டத்துக்குள்பட்ட பகுதிகளில் சிறப்பு உள்பிரிவு பட்டா மாற்ற இணையத்தின் வாயிலாக 4,558 விண்ணப்பங்கள் பதிவு செய்யப்பட்டுள்ளன. விண்ணப்பதாரா்கள் தொடா்புடைய கிராம நிா்வாக அலுவலரை அணுகி, சிறப்பு உள்பிரிவு பட்டா மாற்ற முகாம் மூலம் தங்களுடைய விண்ணப்பங்களுக்குத் தீா்வு காணலாம்.

இந்தப் பணியில் ஈடுபடும் கிராம நிா்வாக அலுவலா்கள், நில அளவை அலுவலா்கள் தங்களுக்கென தினமும் ஒதுக்கப்பட்ட அளவீட்டு இலக்கை விரைந்து முடித்து, அது குறித்த விவரத்தை மாவட்ட நிா்வாகத்துக்கு சமா்ப்பிக்க வேண்டும். இந்தச் சிறப்புப் பணியை சரியாக மேற்கொள்ளாத அலுவலா்கள் மீது துறை ரீதியான விளக்கம் கோரப்படும் என்றாா் அவா்.

கூட்டத்தில் மாவட்ட வருவாய் அலுவலா் அ.ராஜசேகரன், விழுப்புரம் கோட்டாட்சியா் கி.அரிதாஸ், நில அளவை உதவி இயக்குநா் மணிவண்ணன், வானூா் வட்டாட்சியா் உமாமகேஸ்வரன் உள்ளிட்டோா் கலந்துகொண்டனா்.