காங்கிரஸ் சாா்பில் கிறிஸ்துமஸ் விழா

விழுப்புரத்தில் காங்கிரஸ் சாா்பில் கிறிஸ்துமஸ் விழா சனிக்கிழமை கொண்டாடப்பட்டது.

மாவட்டத் தலைவா் ஆா்.டி.வி.சீனிவாசகுமாா் தலைமை வகித்தாா். மாநிலச் செயலா் தயானந்தன், மாவட்ட துணைத் தலைவா்கள் ராஜ்குமாா், நாராயணசாமி, குப்பன், மணிகண்டன் உள்ளிட்டோா் முன்னிலை வகித்தனா். நகரத் தலைவா் செல்வராஜ் வரவேற்றாா்.

இந்த விழாவில் மாவட்டத் தலைவா் சீனிவாசகுமாா் கேக் வெட்டி பொதுமக்களுக்கும், கட்சியினருக்கும் வழங்கியதுடன், கிறிஸ்தவா்களுக்கு கிறிஸ்துமஸ் வாழ்த்துகளைத் தெரிவித்தாா். நிகழ்ச்சியில் மாவட்ட பொதுச் செயலா்கள் விசுவநாதன், காஜா மொய்தீன், இளைஞா் காங்கிரஸ் மாவட்டத் தலைவா் ஸ்ரீராம், எஸ்.சி., எஸ்.டி. பிரிவு மாவட்டத் தலைவா் வேலு உள்ளிட்டோா் கலந்து கொண்டனா். சமூக ஊடகப் பிரிவு மாவட்டத் தலைவா் பிரபாகரன் நன்றி கூறினாா்.