பழம்பெரும் நடிகர் எஸ்.எஸ்.ராஜேந்திரன் (86), உடல்நலக் குறைவால் சென்னையில் உள்ள தனியார் மருத்துவமனையில் அனுமதிக்கப்பட்டுள்ளார்.

அண்மையில், தனது வீட்டின் குளியலறையில் நிலைதடுமாறி விழுந்த எஸ்.எஸ்.ராஜேந்திரன், அதற்காக சிகிச்சை மேற்கொண்டு வந்தார். இந்நிலையில், முதுமை காரணமாக அவருடைய உடல் நிலையில் மேலும் பாதிப்பு ஏற்பட்டுள்ளது.

இதையடுத்து, மயிலாப்பூரில் உள்ள தனியார் மருத்துமனையில் அவர் வியாழக்கிழமை அனுமதிக்கப்பட்டார். அங்கு அவருக்கு தீவிர சிகிச்சை அளிக்கப்பட்டு வருகிறது.