பைரவா அப்டேட்: சந்தோஷ் நாராயணன் இசையில் பாடிய விஜய்!

விஜய் பாடினால் அந்தப் பாடல் நிச்சயம் ஹிட் ஆகும் என்கிற நம்பிக்கை தமிழ்த் திரையுலகில் உண்டு. இப்போது பைரவா படத்திலும் விஜய் ஒரு பாடல் பாடியிருக்கிறார்.

தொடர்ந்து ஏழாவது முறையாக தன்னுடைய படத்தில் ஒரு பாடல் பாடியுள்ளார் விஜய். இதுகுறித்து ட்விட்டரில் எழுதிய சந்தோஷ் நாராயணன், பைரவா பற்றிய ஒரு அமர்க்களமான செய்தி. இந்தப் படத்துக்காக விஜய் ஒரு பாடல் பாடியுள்ளார். அருமையாக. அதிரவைக்கும் நடனம் உத்தரவாதம் என்று கூறியுள்ளார். 

பரதன் இயக்கத்தில் விஜய், கீர்த்தி சுரேஷ் நடித்துள்ள பைரவா படம் பொங்கல் அன்று வெளியாகிறது.