ஏ.ஆர். ரஹ்மான் தயாரிக்கும் படத்தில் மனிஷா கொய்ராலா, லிசா ரே!

ஏ.ஆர். ரஹ்மானின் கதையமைப்பு மற்றும் இணைத் தயாரிப்பில் உருவாகி வரும் 99 சாங்க்ஸ் படத்தில் பிரபல நடிகைகளான மனிஷா கொய்ராலா, லிசா ரே நடிக்கவுள்ளார்கள். 

99 சாங்ஸ் படத்தில் நடிப்பவர்களின் தகவல்களை ஃபேஸ்புக்கில் வெளியிட்டுள்ளார் ரஹ்மான். விஷ்வேஸ் கிருஷ்ணமூர்த்தி இயக்கும் படத்தில் இஹான், எடில்சி, மனிஷா கொய்ராலா, லிசா ரே போன்றோர் நடிக்கிறார்கள். 

1000 பேரிலிருந்து நடிகர்களைத் தேர்வு செய்துள்ளோம். புதுமை, திறமை இரண்டையும் அவர்கள் வெளிப்படுத்துவார்கள் என்று ரஹ்மான் நம்பிக்கை தெரிவித்துள்ளார். 99 சாங்ஸ் படத்தில் 10 முதல் 12 பாடல்கள் இடம்பெறவுள்ளன.