பிரபல கன்னட நடிகர் காசிநாத் இன்று காலமானார். அவருக்கு வயது 67.

உடல்நலக்குறைவு காரணமாக பெங்களூரில் உள்ள தனியார் மருத்துவமனையில் அனுமதிக்கப்பட்ட காசிநாத், சிகிச்சைப் பலனின்றி இன்று காலை காலமானார். அவருக்கு சந்திரபிரபா என்கிற மனைவியும் அபிமன்யு என்கிற மகனும் அம்ருதவர்ஷினி என்கிற மகளும் உள்ளார்கள். 

கடந்த 30 வருடங்களில் 40 படங்களில் நடித்துள்ள காசிநாத், ஏராளமான படங்களை இயக்கி, தயாரித்தும் உள்ளார். கடந்த வருடம் வெளியான செளகா படத்தில் நடித்திருந்தார். 

காசிநாத்தின் மறைவுக்கு கன்னட நடிகர்கள், திரையுலகப் பிரமுகர்கள் இரங்கல் தெரிவித்துள்ளார்கள்.