பிகில் படத்துக்குப் பிறகு மாநகரம் பட இயக்குநர் லோகேஷ் கனகராஜ் இயக்கத்தில் நடிக்கிறார் விஜய். இதற்கான அதிகாரபூர்வ அறிவிப்பு ஆகஸ்ட் மாதம் வெளியானது. 

தளபதி 64 என்று தற்போதைக்குக் குறிப்பிடப்படும் இந்தப் படத்துக்கு இசை - அனிருத். இந்தப் படம் அடுத்த வருடம் ஏப்ரல் மாதம் வெளியாகும் என்றும் அறிவிக்கப்பட்டுள்ளது.

விஜய்யின் 64-வது படத்தில் விஜய் சேதுபதி, மாளவிகா, மலையாள நடிகர் ஆண்டனி வர்கீஸ், சாந்தனு போன்றோர் நடிக்கிறார்கள். 

இந்நிலையில் இப்படத்தின் படப்பிடிப்பு பூஜையுடன் இன்று தொடங்கியுள்ளது. பூஜை நிகழ்வில் விஜய், விஜய் சேதுபதி, மாளவிகா, சாந்தனு, இசையமைப்பாளர் அனிருத் உள்ளிட்ட படக்குழுவினர் கலந்துகொண்டார்கள்.