புதுச்சேரி அரசின் சிறந்த திரைப்படத்துக்கான விருது ஆர். பார்த்திபன் இயக்கிய ஒத்த செருப்பு படத்துக்குக் கிடைத்துள்ளது. 

ஆர். பார்த்திபன் நடித்து இயக்கியுள்ள படம் - ஒத்த செருப்பு. இசை - சந்தோஷ் நாராயணன். ஒளிப்பதிவு - ராம்ஜி. கடந்த வருடம் வெளியான இப்படத்தில் பார்த்திபன் மட்டுமே ஒற்றைக் கதாபாத்திரத்தில் நடித்திருந்தார். 

புதுச்சேரி செய்தி விளம்பரத் துறையும் நவதர்ஷன் திரைப்படக் கழகமும் மத்திய அரசு திரைப்பட விழா இயக்குநரகத்துடன் இணைந்து இந்திய பனோரமா திரைப்பட விழாவை புதுச்சேரியில் நடத்துகின்றன. இந்த விழாவில் டிசம்பர் 15 அன்று, சிறந்த திரைப்படத்துக்கான விருது, ஒத்த செருப்பு இயக்குநர் ஆர். பார்த்திபனுக்கு வழங்கப்படவுள்ளது. ரூ. 1 லட்சம் பரித்தொகையுடன் புதுவை அரசின் சங்கரதாஸ் சுவாமிகள் விருதும் பார்த்திபனுக்கு வழங்கப்படும் என அறிவிக்கப்பட்டுள்ளது.