நடிகை குஷ்பு தனது இன்ஸ்டாகிராம் பக்கத்தில் எடை குறைந்து ஒல்லியாக இருக்கும் புகைப்படத்தை பகிர்ந்துள்ளார். 

நடிகை குஷ்பு பாஜகவில் இணைந்து தீவிர அரசியலில் ஈடுபட்டு வருகிறார். நீண்ட இடைவேளைக்குப் பிறகு ரஜினிகாந்த்துடன் இணைந்து அவர் 'அண்ணாத்த' படத்தில் நடித்துள்ளார். இந்தப் படம் தீபாவளிக்கு வெளியாகவிருக்கிறது. 

இதையும் படிக்க | இந்தியன் 2: சென்னை உயர்நீதிமன்றத்தில் மேல் முறையீடு செய்த லைகா நிறுவனம்

ஏற்கனவே ரஜினிகாந்த் - குஷ்பு இணைந்து நடித்த 'மன்னன்', 'அண்ணாமலை' போன்ற படங்கள் மிகப் பெரிய வெற்றியைப் பெற்றன. பல வருடங்களுக்குப் பிறகு இருவரும் இணைந்திருப்பதால் படத்தின் காட்சிகளை காண ஆர்வம் அதிகரித்துள்ளது. ஜி தமிழ் தொலைக்காட்சியில் ஒளிபரப்பாகும் கோகுலத்தில் சீதை தொடரில் சிறப்புத் தோற்றத்தில் நடித்திருந்தார்.

சமீபத்தில் அவரது சுட்டுரைப் பக்கம் முடக்கப்பட்டு பின்னர் மீட்கப்பட்டது. இந்த நிலையில் நடிகை குஷ்பு தனது இன்ஸ்டாகிராம் பக்கத்தில் புகைப்படம் ஒன்றை பகிர்ந்துள்ளார்.

இதையும் படிக்க | ரஜினிகாந்த்தின் அடுத்த படத்தை இயக்குகிறாரா தேசிங் பெரியசாமி ? : விவரம் இதோ

அதில் முன்பைக் காட்டிலும் சற்று எடைக் குறைவாக காட்சியளிக்கிறார். ''கடினமாக உழைத்தால் முடிவு இப்படித்தான் இருக்கும்'' என்று குறிப்பிட்டுள்ளார். இதனையடுத்து அவருக்கு பூர்ணிமா பாக்யராஜ், மாளவிகா, நடிகர் சத்யராஜின் மகள் திவ்யா உள்ளிட்டோர் வாழ்த்து தெரிவித்து வருகின்றனர்.