பிரபல நடன இயக்குநர் பிருந்தா திரைப்பட இயக்குநராக அறிமுகமாகியுள்ள படம் ஹே சினாமிகா. இந்தப் படத்தில் துல்கர் சல்மான் நாயகனாக நடிக்க, அதிதி ராவ் ஹைதாரி, காஜல் அகர்வால் நாயகிகளாக நடித்துள்ளனர். 

இந்தப் படத்தின் முதல் பார்வை போஸ்டர் நாளை (டிசம்பர் 20) காலை 11 மணிக்கு வெளியாகிறது. போஸ்டரை சூர்யா மற்றும் ஜோதிகா இணைந்து வெளியிடவிருக்கின்றனர். இந்தப் படத்தை ஜியோ ஸ்டுடியோஸ் நிறுவனம் தயாரித்துள்ளது. 

இதையும் படிக்க | ''சமூக நீதி பேசினால்தான் மக்களிடம் நெருங்க முடியும்'' - பா.ரஞ்சித் அதிரடி 

இந்தப் படத்துக்கு ப்ரீத்தா ஜெயராமன் ஒளிப்பதிவு செய்ய, கோவிந்த் வசந்தா இசையமைத்துள்ளார். இந்தப் படத்துக்கு மதன் கார்கி கதை திரைக்கதை, வசனம் எழுதியுள்ளதாக கூறப்படுகிறது.