இன்னும் சற்று நேரத்தில் 'விக்ரம்' படத்தின் ஃபர்ஸ்ட் லுக் போஸ்டர்

'மாஸ்டர்' படத்தின் மாபெரும் வரவேற்புக்குப் பிறகு இயக்குநர் லோகேஷ் கனகராஜ், உலக நாயகன் கமல்ஹாசனுடன் இணைந்து 'விக்ரம்' படத்தில் பணிபுரிந்து வருகிறார். இந்த பட அறிவிக்குப் பிறகு, அடுத்ததாக எந்த தகவலும் வெளியாகததால் ரசிகர்களிடையே ஆவல் ஏற்பட்டது.

இந்நிலையில் அதற்கு முற்றுப்புள்ளி வைக்கும் விதமாக, இயக்குநர் லோகேஷ் கனகராஜ், இந்த படத்தின் ஃபர்ஸ்ட் லுக் போஸ்டர் இன்று (10/07/2021)  மாலை 5 மணிக்கு வெளியாகும் என்று தனது ட்விட்டர் பக்கத்தில் அறிவித்துள்ளார். இது நடிகர் கமல்ஹாசன் ரசிகர்களுக்கு உற்சாகத்தை அளித்துள்ளது. 

கடந்த சில மாதங்களுக்கு முன்பு 'விக்ரம்' படத்தின் தலைப்பை அறிவிக்கும் விதமாக வெளியான டீசர் படத்தின் மீதான எதிர்பார்ப்பை அதிகரித்தது. அதில் 'ஆரம்பிக்கலாங்லா ?' என கமல் தனது ஸ்டைலில் பேசிய வசனம் மிகவும் பிரபலமானது. இந்த படத்துக்கு அனிருத் இசையமைக்கிறார். இந்த படத்தில் பணியாற்றும் பிற நடிகர், நடிகைகள், தொழில்நுட்பக் கலைஞர்கள் குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது.