‘சரவணா ஸ்டோர்ஸ்’ உரிமையாளர் சரவணன் நடிக்கும் படத்தின் புதிய புகைப்படங்கள் வெளியிடப்பட்டுள்ளன.

லெஜண்ட் சரவணா ஸ்டோர்ஸ் நிறுவனத்தின் உரிமையாளரும் அந்நிறுவனத்தின் விளம்பங்களில் தோன்றி மக்களிடம் கவனம் பெற்றுள்ளவருமான சரவணன், தமிழ்ப் படமொன்றில் கதாநாயகனாக நடிக்கிறார். இயக்கம் - ஜேடி - ஜெர்ரி. ஹாரிஸ் ஜெயராஜ் இசையமைக்கும் இப்படத்தின் கதாநாயகியாக கீத்திகா திவாரி என்கிற புதுமுகம் நடிக்கிறார். பிரபு, விவேக், விஜயகுமார், நாசர், தம்பி ராமையா போன்றோரும் நடிக்கிறார்கள். 

ஹாரிஸ் ஜெயராஜ் இசையமைப்பில் உருவாகும் இப்படத்தின் புதிய புகைப்படங்கள் வெளியிடப்பட்டுள்ளன. சரவணன், சண்டைக்காட்சிகளில் நடிப்பது போல் உள்ள இப்புகைப்படங்கள் சமூகவலைத்தளங்களில் அதிகமாகப் பகிரப்பட்டு வருகின்றன.