வீரமே வாகை சூடும் படத்துக்கு பிறகு விஷால் தற்போது லத்தி படத்தில் நடித்து வருகிறார். இந்தப் படத்தை பிரபல நடிகர்கள் ரமணா மற்றும் நந்தா இணைந்து ராணா புரொடக்சன்ஸ் சார்பாக தயாரிக்கின்றனர். 

இந்தப் படத்தை வினோத் குமார் எழுதி இயக்கியுள்ளார். யுவன் ஷங்கர் ராஜா இந்தப் படத்துக்கு இசையமமைக்கிறார். 12வது முறையாக இந்தப் படத்துக்காக நடிகர் விஷாலும் - யுவன் ஷங்கர் ராஜாவும் இணைந்துள்ளனர். 

இதையும் படிக்க | கே.எஸ்.ரவிக்குமாரின் 'கூகுள் குட்டப்பா' பாடலை வெளியிட்ட ராஜமௌலி

இந்தப் படம் தமிழ், தெலுங்கு, மலையாளம், கன்னடம், ஹிந்தி ஆகிய மொழிகளில் வெளியாகிறது. இந்தப் படத்தில் விஷால் போலிஸ் அதிகாரியாக நடித்துள்ளார். வழக்கமான விஷால் படங்களைப் போல இந்தப் படமும் சண்டைக்காட்சிகள் அதிகம் நிறைந்த படமாக உருவாகி வருகிறது.