நடிகர் அஜித் குமாரின் 61-வது திரைப்படப் பூஜை இன்று (திங்கள்கிழமை) நடைபெற்றது.

வலிமை திரைப்படத்துக்குப் பிறகு நடிகர் அஜித் குமார் மீண்டும் போனி கபூர் தயாரிப்பில் ஹெச். வினோத் இயக்கத்தில் நடிக்கிறார். இந்தப் படத்துக்கு தற்காலிகமாக அஜித் 61 எனப் பெயர் சூட்டப்பட்டுள்ளது. பேவியூ பிராஜெக்ட்ஸ் , ஜீ ஸ்டுடியோஸ் இணைந்து தயாரிக்கும் இந்தப் படத்துக்கு நிரவ் ஷா ஒளிப்பதிவு செய்கிறார்.

இதையும் படிக்க | நேரடியாக கலைஞர் டிவியில் ஒளிபரப்பாகவிருக்கும் ஜெய்யின் 'குற்றம் குற்றமே' பாடல் இதோ

இந்தப் படத்தின் பூஜை இன்று நடைபெற்றதைத் தொடர்ந்து, படப்பிடிப்பும் தொடங்கியது. இந்த அறிவிப்பை தயாரிப்பாளர் போனி கபூர் ட்விட்டர் பக்கத்தில் வெளியிட்டுள்ளார்.

அஜித் குமாரின் 62-வது திரைப்படத்தை விக்னேஷ் சிவன் இயக்கவுள்ளதாகவும், இதன் படப்பிடிப்பு ஆண்டு இறுதியில் தொடங்கும் என்றும் லைகா நிறுவனம் கடந்த மாதம் அறிவித்தது குறிப்பிடத்தக்கது.