ஹிந்தியில் 'கேஜிஎஃப் 2'-க்கு கிடைத்த வரவேற்பால் தள்ளிப்போனது 'ஜெர்சி' வெளியீடு

யஷ் நடிப்பில் கேஜிஎஃப் 2 ஆம் பாகம் வருகிற 14 ஆம் இந்திய அளவில் வெளியாகவுள்ளது. முதல் பாகத்துக்கு கிடைத்த வரவேற்பின் காரணமாக கேஜிஎஃப் இரண்டாம் பாகத்தின் மீது மக்கள் அதிக எதிர்பார்ப்பில் உள்ளனர். 

குறிப்பாக ஹிந்தியில் இந்தப் படத்தைக் காண ரசிகர்கள் அதிக ஆர்வம் காட்டிவருகின்றனர். இதன் காரணமாக பெரும்பாலான திரையரங்குகளில் கேஜிஎஃப் படத்தின் டிக்கெட்டுகள் விற்றுத்தீர்ந்துவிட்டதாக கூறப்படுகிறது. 

இந்த நிலையில் அன்றைய தினம் ஷாகித் கபூர் நடிப்பில் ஹிந்தியில் 'ஜெர்சி' என்ற படமும் வெளியாகவிருந்தது. இந்தப் படம் தெலுங்கி நானி நடிப்பில் வெற்றிபெற்ற ஜெர்சி படத்தின் ஹிந்தி ரீமேக் என்பது குறிப்பிடத்தக்கது.

இதையும் படிக்க | மிகவும் எதிர்பார்க்கப்பட்ட 'ஆர்ஆர்ஆர்' பட நாட்டுக் கூத்து விடியோ பாடல் இதோ

இந்த நிலையில் கேஜிஎஃப் 2 படத்துக்கு ரசிகர்கள் அளித்துவரும் வரவேற்பு காரணமாக ஜெர்சி படம் ஒரு வாரம் தள்ளி ஏப்ரல் 22 ஆம் தேதி வெளியாகவுள்ளதாக அறிவிக்கப்பட்டுள்ளது. 

ஏப்ரல் 13 ஆம் தேதி பீஸ்ட் படமும் ஹிந்தியில் மொழி மாற்றம் செய்யப்பட்டு வெளியாகவுள்ளது குறிப்பிடத்தக்கது. ஹிந்தியில் தொடர்ந்து தென்னிந்திய திரைப்படங்கள் ஆதிக்கம் செலுத்தி வருவது ஹிந்தி திரையுலகினரிடையே கலக்கத்தை ஏற்படுத்திவருகிறது.