நடிகர் விஜய்யின் 66 படத்தின் முதல்கட்ட படப்பிடிப்பு நிறைவடைந்துள்ளதாக தகவல்கள் வெளியாகியுள்ளன.

பீஸ்ட் படத்தைத் தொடர்ந்து நடிகர் விஜய் அடுத்ததாக தெலுங்கு இயக்குநர் வம்சி இயக்கும் படத்தில் நடிக்கிறார். இந்தப் படத்தை ஸ்ரீ வெங்கடேஸ்வரா கிரியேஷன்ஸ் சார்பாக தில் ராஜு தயாரிக்கிறார். விஜய்க்கு ஜோடியாக முதல்முறையாக ராஷ்மிகா மந்தனா நடிக்கிறார். 

இதையும் படிக்க- ‘எங்களைக் கண்டு அச்சம்’: ஹிமாச்சலப் பிரதேச அரசின் அறிவிப்புகளை விமர்சித்த ஆம் ஆத்மி

குடும்பத்தை மையமாக வைத்து உருவாகும் இப்படத்தில் சரத்குமார் முக்கிய கதாபாத்திரத்தில் நடிக்கிறார். தமன் இசையமைக்கிறார். இந்த படத்துக்கு தளபதி 66 என தற்காலிகமாக பெயரிடப்பட்டுள்ளது. படப்பிடிப்பு ஏப்ரல் 6ஆம் தேதி பூஜையுடன் தொடங்கியது. 

இந்த நிலையில் படத்தின் முதல்கட்ட படப்பிடிப்பு தற்போது நிறைவடைந்துள்ளதாக தகவல்கள் வெளியாகியுள்ளன. படத்தின் முதல்கட்ட படப்பிடிப்புடன், பாடல் ஒன்றும் படம்பிடிக்கப்பட்டுள்ளது.