போனி கபூர் தயாரிப்பில் வினோத் இயக்கத்தில் அஜித் நடித்துள்ள வலிமை திரைப்படம் திரையரங்குகளில் வெளியாகி கலவையான விமர்சனங்களைப் பெற்று வருகிறது. இருப்பினும் அஜித் ரசிகர்களை இந்தப் படம் கவர்ந்துள்ளதாக கூறப்படுகிறது. 

தமிழக அளவில் 1000 திரையரங்குகளில் வலிமை திரைப்படம் வெளியானது. தமிழகத்தில் 100 சதவிகித பார்வையாளர்களுக்கு அனுமதி அளிக்கப்பட்டுள்ளதால் படத்துக்கு வசூல் ரீதியாக பெரும் வெற்றிபெறும் என எதிர்பார்க்கப்பட்டது.

இதையும் படிக்க | 'உனக்கு மட்டும்தான் இப்படி கூட்டம் வருது' : அஜித் குறித்து பிரபல நடிகை வியப்பு​

முதல் நாள் நிறைய திரையரங்குகளில் அரங்கம் நிறைந்த காட்சிகளாக காட்சியளித்தது. இந்த நிலையில் வலிமை படத்துக்கு உலக அளவில் முதல் நாளில் மட்டும் ரூ.70 கோடி அளவுக்கு வசூல் செய்துள்ளதாக தகவல் வெளியாகியுள்ளது. 

வலிமை திரைப்படத்துக்கு உலக அளவில் முதல் நாளில் ரூ.70 கோடி ரூபாய் வசூலித்துள்ளதாகவும், தமிழக அளவில் முதல் நாளில் 35 கோடி ரூபாய் அளவுக்கு வசூலித்துள்ளதாக தகவல்கள் தெரிவிக்கின்றன. இதுகுறித்த அதிகாரப்பூர்வ தகவல் விரைவில் வெளியாகும் என்று எதிர்பார்க்கப்படுகிறது.