இயக்குநர் சசி - ஹரிஷ் கல்யாணின் நூறு கோடி வானவில் டீசர் விடியோ

இயக்குநர் சசி இயக்கத்தில் ஹரிஷ் கல்யாண் நடித்துள்ள படம் நூறு கோடி வானவில். இந்தப் படத்தின் டீசரை நடிகர் சிவகார்த்திகேயன் தனது ட்விட்டர் பக்கத்தில் வெளியிட்டுள்ளார். 

இந்தப் படத்தில் ஹரிஷ் கல்யாணுக்கு ஜோடியாக சித்தி இத்னானி நடிக்கிறார். சொல்லாமலே படத்தின் மூலம் 90களின் காலகட்ட காதலை மிக அழகாக பதிவு செய்தவர் இயக்குநர் சசி. நீண்ட இடைவேளைக்கு பிறகு இன்றைய காலகட்ட காதலை நூறு கோடி வானவில் படத்தின் மூலம் பதிவு செய்திருக்கிறார். 

இதையும் படிக்க | சூர்யா தயாரிப்பில் கார்த்தியின் 'விருமன்' முதல் பார்வை போஸ்டர் வெளியானது

டீசரில் வண்ணமயமான காட்சிகள் கண்ணை கவருகின்றன. சித்து குமாரின் இசையும் சிறப்பாக இருக்கிறது. இதன் காரணமாக படத்தின் மீதான எதிர்பார்ப்பு உருவாகியுள்ளது. உணர்வுப்பூர்வமான காதல் படங்களின் வரிசையில் இந்தப் படம் இடம் பிடிக்கும் என்று நம்பலாம்.