ஹரி - ஹரீஷ் இயக்கத்தில் நடிகை சமந்தா நடித்துள்ள திரைப்படம் யசோதா. 5 மொழிகளில் தயாரான இந்தத் திரைப்படத்தில் நடிகை சமந்தாவுடன் வரலட்சுமி சரத்குமார், சம்பத் ராஜ், மதுரிமா உள்ளிட்ட பலர் நடித்துள்ளனர். 

யசோதா படத்தின் டிரைலர் வெளியாகி நல்ல வரவேற்பினைப் பெற்றது. இப்படம்,  நவம்பர் 11ஆம் தேதி திரையரங்குகளில் பான் இந்தியா திரைப்படமாக வெளியாகியது. படத்திற்கான தணிக்கை சான்றிதழ் யு/ஏ கிடைத்துள்ளது. ஹாலிவுட் சண்டை பயிற்சியாளருடன் பயிற்சி எடுத்த விடியோக்களும் வைரலானது குறிப்பிடத்தக்கது. 

3 நாளில் ரூ.20 கோடிக்கும் அதிகமாக வசூலித்தாக அதிகாரபூர்வ அறிவிப்பு வெளியாகியுள்ளது. இந்தப்படம் நல்ல வரவேற்பினை பெற்றுள்ளதால் தியேட்டர்களின் எண்ணிக்கை அதிகரிக்கப்பட்டுள்ளதும் குறிப்பிடத்தக்கது.

இந்நிலையில் படத்திற்காக சண்டைப் பயிற்சி செய்யும் சமந்தாவின் விடியோ வெளியாகியுள்ளது. இதற்கு இயக்குநர் அட்லி ‘மாஸ்’ என கமெண்ட் செய்துள்ளார். 

அட்லி இயக்கத்தில் சமந்தா தெறி படத்தில் நடித்து இருந்தார். அட்லி தற்போது ஹிந்தியில் ஷாருக்கான் வைத்து படமெடுத்து வருகிறார்.