கிரிக்கெட் வீரர் ஷிகர் தவான் முதன்முறையாக நடிகராக களமிறங்கியுள்ளார். 

கிரிக்கெட் வீரர் ஷிகர் தவான் முதன்முறையாக திரைப்படம் ஒன்றில் நடித்திருக்கிறார். ஹிந்தியில் உருவாகியுள்ள டபுள் எக்ஸ்எல் படத்தில்தான் ஷிகர் தவான் நடிகராக அறிமுகமாகியிருக்கிறார்.

இந்தப் படத்தில் காலா, வலிமை படங்களின் மூலம் தமிழ் ரசிகர்களுக்கு அறிமுகமான ஹூமா குரேஷியுடன் இணைந்து தவான் சிறப்பு தோற்றத்தில் நடித்துள்ளதாக கூறப்படுகிறது. மேலும் இந்தப் படத்தில் ஜாகீர் இக்பால், மங்காத்தா, சென்னை 28 2 உள்ளிட்ட படங்களில் மூலம் பிரபலமான மஹத் ராகவேந்திரா ஆகியோர் நடித்துள்ளனர். 

இதையும் படிக்க | வெங்கட் பிரபு - நாக சைதன்யா படப்பிடிப்புக்கு எதிராக போராட்டம் நடத்திய கிராம மக்கள் - என்ன நடந்தது?

இந்தப் படத்தில் ஷிகர் தவான் மற்றும் ஹூமா குரேஷி ஆகியோர் நடனமாடும் புகைப்படங்கள் சமூக வலைதளங்களில் வைரலாகி வருகிறது. இயக்குநர் சத்திரம் ரமணி இயக்கியுள்ள இந்தப் படம் வருகிற நவம்பர் 4 ஆம் தேதி திரையரங்குகளில் வெளியாகும் என்று கூறப்படுகிறது.