நடிகர் அஜித்குமார் ’துணிவு’ படத்திற்குப் பின் அடுத்ததாக நடிக்க உள்ள படத்தின் படப்பிடிப்பு விரைவில் துவங்கவுள்ளதாக தகவல் வெளியாகியுள்ளது.

நேர்கொண்ட பார்வை, வலிமை படங்களுக்கு பிறகு 3வது முறையாக நடிகர் அஜித் குமார், தயாரிப்பாளர் போனி கபூர், இயக்குநர் ஹெச்.வினோத்  கூட்டணி மீண்டும் இணைந்துள்ள படம் துணிவு. ​

இந்தப் படத்தில் அஜித்தின் ஜோடியாக மஞ்சு வாரியர் நடிக்க, ஜிப்ரான் இந்தப் படத்துக்கு இசையமைக்கிறார். ஏற்கெனவே இந்தத் திரைப்படத்தின் சில காட்சிகள் படமாக்கப்பட்ட நிலையில் நடிகர் அஜித்குமார் பங்குபெறும் பிற காட்சிகளைப் படமாக்க படக்குழு கடந்த சில நாள்களுக்கு முன் தாய்லாந்து தலைநகர் பாங்காக் சென்றது.

இதையும் படிக்க | வெற்றிமாறனின் 'பேட்டைக்காளி' டிரைலர் வெளியீடு

இந்நிலையில், நேற்று பாங்காக்  படப்பிடிப்புடன் துணிவு படப்பிடிப்பு நிறைவு பெற்றதால்  அஜித் சென்னை திரும்ப உள்ளார்.

அதனைத் தொடர்ந்து, அஜித்குமார் இயக்குநர் விக்னேஷ் சிவன் இயக்கத்தில் நடிக்க உள்ள ‘ஏகே 62’ படத்தின் நடிகர்கள் தேர்வு நடைபெற்று வருவதால் விரைவில் அதன் படப்பிடிப்பு பணிகளும் துவங்கும் எனத் தகவல் வெளியாகியுள்ளது.