கார்த்தி நடிப்பில் உருவாகியுள்ள சர்தார் திரைப்படத்தின் டிரைலர் வெளியீடு குறித்து தகவல் வெளியாகியுள்ளது.

சர்தார் படத்தை விஷாலின் 'இரும்புத்திரை', சிவகார்த்திகேயனின் 'ஹீரோ' படங்களை இயக்கிய பி.எஸ்.மித்ரன் இயக்கியுள்ளார். பிரின்ஸ் பிக்சர்ஸ் நிறுவனம் தயாரித்துள்ள இப்படத்தில் பல வித்தியாசமான தோற்றங்களில் கார்த்தி நடித்துள்ளார்.

மேலும், ஜி.வி.பிரகாஷ் இசையில் நடிகர் கார்த்தி பாடிய ஏறுமயிலேறி பாடல் வெளியாகி நல்ல வரவேற்பை பெற்றுவருகிறது. ஒளிப்பதிவு - ஜார்ஜ் சி வில்லியம்ஸ். 

இதையும் படிக்க | ஆதிபுருஷ் சர்ச்சை.. பிரபாஸூக்கு உயர்நீதிமன்றம் நோட்டீஸ்

சர்தார் தீபாவளியை முன்னிட்டு வருகிற 21 ஆம் தேதி வெளியாகும் என அதிகாரப்பூர்வமாக அறிவிக்கப்பட்டிருந்த நிலையில் தற்போது இப்படத்தின் டிரைலர் நாளை(அக்.14) வெளியாகும் என அதிகாரப்பூர்வமாக அறிவிக்கப்பட்டுள்ளது.

சிவகார்த்திகேயனின் 'பிரின்ஸ்' படமும் தமிழ் மற்றும் தெலுங்கில் 21 ஆம் தேதி வெளியாகிறது. இதனால் இரண்டு படங்களுக்கும் கடும் போட்டி நிலவும் என எதிர்பார்க்கப்படுகிறது.