இந்தியன் - 2 படப்பிடிப்பில் பிரபல நடிகை கலந்துகொண்டதாக தகவல் வெளியாகியுள்ளது.

இயக்குநர் ஷங்கர் இயக்கத்தில் கமல்ஹாசன் நடித்துவந்த இந்தியன் 2 படம் விபத்து உள்ளிட்ட காரணங்களால் பாதியில் நின்றது. கமலின் ‘விக்ரம்’ மிகப்பெரிய வெற்றியைப் பெற்றதால் தற்போது ‘இந்தியன் 2’ படத்தை மீண்டும் தொடங்கியுள்ளனர். 

இதையும் படிக்க: 'வாத்தி’ இசை வெளியீட்டுத் தேதி அறிவிப்பு

ஜெயமோகன் எழுத்தில் லைகா தயாரிப்பில் அனிருத் இசையில் ரவி வர்மா, ரத்னவேலு ஒளிப்பதிவில் உருவாகும் இந்தியன் 2 படத்தில் கமலுடன் இணைந்து சமுத்திரக்கனி, பாபி சிம்கா, காஜல் அகர்வால், சித்தார்த், ராகுல் பிரீத் சிங், பிரியா பவானி சங்கர் உள்ளிட்ட பலர் நடிக்கின்றனர். 

இப்படத்தின் பிளாஷ்ஃபேக் காட்சிகளுக்கான படப்பிடிப்பு பிகாரில் சமீபத்தில் நிறைவடைந்தது.

அதனைத் தொடர்ந்து, தற்போது இந்தியன் - 2 படப்பிடிப்பு திருப்பதியில் நடைபெற்று வருகிறது. இதில்  கடந்த சில நாள்களாக நடிகர் கமல்ஹாசன் பங்கேற்று வருகிறார்.

இந்நிலையில், நேற்று படத்தின் நாயகியான காஜல் அகர்வால்  இப்படப்பிடிப்பில் கலந்துகொண்டதாக தகவல் வெளியாகியுள்ளது.