தெலுங்கில் முன்னணி நடிகராக இருப்பவர் ரவி தேஜா. சமீபத்தில் வெளியாகி நல்ல வரவேற்பினை பெற்ற வீர சிம்ஹ ரெட்டி படத்தி இயக்குநர் கோபிசந்த் மலினேனி ரவிதேஜாவுடன் 4வது முறையாக இணைந்துள்ளார். 2008, 2013, 2021 முறையே டான் சீனு, பலுபு, க்ராக் ஆகிய வெற்றிப் படங்களில் இந்த ஜோடி இணைந்து பணியாற்றியுள்ளது குறிப்பிடத்தக்கது. 

இதையும் படிக்க: ஜவான் முன்னோட்ட விடியோ எப்போது?: படக்குழு அறிவிப்பு! 

மைத்ரி மூவி மேக்கர்ஸ் தயாரிப்பில் உருவாகும் இந்தப் படத்திற்கு தமன் இசையமைக்கிறார் என படக்குழு தெரிவித்துள்ளது. மற்ற விவரங்களை விரைவில் வெளியிட உள்ளதாக இருக்கிறது. 

இதையும் படிக்க: அமைதியான இடம், அமைதியான மனம்: 10 இலட்சம் லைக்குகளை பெற்றுள்ள சாய் பல்லவியின் புதிய புகைப்படங்கள்!

ரவிதேஜாவின் கடைசியாக வெளிவந்த தமாகா, வால்டர் வீரய்யா படங்கள் நல்ல வரவேற்பினை பெற்றது. ஆனால் ராவணசுரா திரைப்படம் கலவையான விமர்சனங்களை பெற்றது. தற்போது அனுபமா பரமேஸ்வரனுடன் இணைந்து  ‘ஈகிள்’ படத்தில் நடித்து வருகிறார். 

இந்நிலையில் ஹாட்ரிக் மாஸ் வெற்றிக் கூட்டணி திரும்பவும் இணைந்ததில் ரவி தேஜா ரசிகர்கள் மகிழ்ச்சியில் உள்ளனர்.