காதலும் கடந்து போகும் படத்தின் மூலம் கவனத்தை ஈற்றவர் மணிகண்டன். படத்திற்கு திரைக்கதை எழுதுவதிலும் நடிப்பதிலும் மிகுந்த ஆர்வமுள்ளவர் மணிகண்டன். ஜெய் பீம் படத்தின் மூலம் பெருவாரியான மக்களின் கவனத்தை ஈற்றுள்ளார். 

சமீபத்தில் தனியார் விருது விழாவில் லோகேஷ் கனகராஜை விட நான்தான் கமலின் தீவிர ரசிகர் என மணிகண்டன் மேடையில் பேசிய விடியோ சமூக வலைதளங்களில் வைரலானது. 

இதையும் படிக்க: ஒரு இலட்சம் முத்துக்கள் பதிக்கப்பட்ட ஆடையுடன் ஆலியா பட்: வைரல் புகைப்படம் 

தற்போது மில்லியன் டாலர்ஸ் ஸ்டுடியோஸ் தயாரிப்பில் விநாயக் சந்திரசேகர் இயக்கத்தில் குட் நைட் எனும் படத்தில் நடித்துள்ளார். இந்தப் படத்தில் ரமேஷ் திலக், மீதா ரகுநாத், பக்ஸ், பலாஜி சக்திவேல் என பலர் நடித்துள்ளனர். 

ஷான் ரோல்டன் இசையமைத்துள்ள இந்தப் படம் வரும் 12 ஆம் தேதி திரையரங்குகளில் வெளியாக உள்ளது குறிப்பிடத்தக்கது. குரட்டை விடுவதனால் ஏற்படும் பிரச்னைகள் குறித்து இந்தப் படம் பேசியுள்ளதாக டிரைலரை பார்க்கும்போது தெரிகிறது. 

இதையும் படிக்க: அனைவரும் கற்றுக்கொள்ள வேண்டிய பாடம்: பீட்டர் பால் மறைவிற்கு வனிதா உருக்கம்

லியோ படத்தினை இயக்கிவரும் லோகேஷ் கனகராஜ் இந்தப் படத்தின் டிரைலரை வெளியிட்டுள்ளது குறிப்பிடத்தக்கது.