டிஆர்பி பட்டியலில் முதலிடத்தைப் பிடித்த வானத்தைப் போல!

சின்னத்திரை தொடர்களுக்கான டிஆர்பி பட்டியலில் வானத்தைப் போல தொடர் முதலிடத்தைப் பிடித்துள்ளது. 

சன் தொலைக்காட்சியில் பல முதன்மைத் தொடர்கள்  ஒளிபரப்பாகிவருகின்றன. அவற்றில் வானத்தைப்போல தொடரும் ஒன்று. இதுவரை டாப் 5 இடங்களில் ஒன்றாக இருந்த வானத்தைப்போல தொடர், இந்த வாரம் பட்டியலில் முதன்மை இடத்தைப் பிடித்துள்ளது.

கடந்த ஓராண்டுக்கும் மேலாக கயல் - எதிர்நீச்சல் ஆகிய இரு தொடர்கள் மட்டுமே டிஆர்பி பட்டியலில் முதலிடத்தைப் பகிர்ந்துகொண்டன. ஒருகட்டத்தில் எதிர்நீச்சல் தொடர் தொடர்ந்து முதலிடத்தில் நீடித்து வந்தது. 

படிக்க | டாப் 5 பட்டியலில்.. கவனம் ஈர்க்கும் புதிய தொடர்!

இதனிடையே இந்த வாரம் வெளியாகியுள்ள டிஆர்பி பட்டியலில் வானத்தைப்போல தொடர் 10.40 புள்ளிகளைப் பெற்று முதலிடம் பிடித்துள்ளது. 

அண்ணன் - தங்கை பாசத்தை மையப்படுத்தி எடுக்கப்பட்டு வரும் இந்தத் தொடர், திருமணம் ஆன பிறகு அண்ணன், தங்கை உறவு சந்திக்கும் பிரச்னைகள் குறித்து விவரிக்கிறது. ஸ்ரீகுமார், மான்யா, அஷ்வந்த் கார்த்தி உள்ளிட்டோர் முதன்மை பாத்திரங்களில் நடிக்கின்றனர்.

படிக்க | சிங்கப் பெண்ணே தொடரில் நடிக்கும் ஏஜென்ட் டீனாவின் தோழி!

சன் தொலைக்காட்சியில் திங்கள் முதல் சனிக்கிழமை வரை மாலை 8 மணிக்கு வானத்தைப்போல தொடர் ஒளிபரப்பாகிறது.  நீண்ட மாதங்களுக்குப் பிறகு 8 மணிக்கு ஒளிபரப்பாகும் தொடர் டிஆர்பியில் முதலிடம் பிடித்துள்ளது குறிப்பிடத்தக்கது.