டிசம்பர் மாதம் அப்பாக்களுக்கான மாதம்: நானியின் கலகலப்பான பேச்சு!

தமிழில் வெப்பம், ஆஹா கல்யாணம், நான் ஈ படங்களின் மூலம் பிரபலமானவர் நானி. தெலுங்கில் வெளியான நானியின் ஜெர்ஸி, கேங்கு லீடர், சியாம் சிங்கா ராய், அடடே சுந்தரா, தசாரா ஆகிய படங்கள் பெரும் வரவேற்பினை பெற்றது குறிப்பிடத்தக்கது. 

நானியின் 30வது படத்தினை இயக்குகிறார் அறிமுக இயக்குநர் ஷௌர்யுவ் இயக்கியுள்ளார். இந்தப் படத்திற்கு ‘ஹாய் நான்னா’ எனப் பெயரிட்டுள்ளார்கள். வைரா என்டர்டெயின்மென்ட் தயாரிக்கும் இப்படத்தில் நாயகியாக சீதா ராமம் புகழ் மிருணாள் தாக்குர் நடித்துள்ளார். 

இதையும் படிக்க: நான் சந்தித்ததில் அசலான இயக்குநர் சந்தீப்: ரன்பீர் கபூர் பாராட்டு!

இப்படத்திற்கு இசையமைப்பாளர் ஹீஷம் அப்துல் வாஹாப் இசையமைத்துள்ளார்.  சமந்த விஜய் தேவரகொண்ட நடித்த குஷி படத்திற்கும் இதே இசையமைப்பாளர்தான். குஷி படத்தில் அனைத்து பாடல்களும் பிரபலமானது குறிப்பிடத்தக்கது. 

இதையும் படிக்க: பீஸ்ட் படத்தை கிண்டல் செய்ததற்கு நெல்சனிடம் மன்னிப்பு கேட்கும் ரசிகர்கள்! காரணம் பிரதமர் மோடியா?

நல்ல பொழுதுபோக்கான படங்களை தேர்வு செய்து நடிக்கும் நானியின் படங்களுக்கு தமிழிலும் ரசிகர்கள் இருக்கிறார்கள். இதனால் இந்தப் பத்திற்கும் ரசிகர்கள் மத்தியில் மிகுந்த எதிர்பார்ப்புள்ளது. 

சமீபத்திய பட புரமோஷன் ஒன்றில் நடிகர் நானி, “டிசம்பர் மாதம் அப்பாக்களுக்கான மாதம். ஏனெனில் என்னுடைய படமும் அப்பாக்களின் பாசத்தினை பற்றியது. அனிமல் என்றொரு படம் வருகிறது. அந்தப் படமும் அப்பா பாசம் பற்றியது. இரண்டு படங்களும் வெற்றியடைய வாழ்த்துகிறேன்” எனக் கூறினார். 

இதையும் படிக்க: இந்தாண்டின் சிறந்த திரைப்படம் இதுதான்: சமந்தாவின் பாராட்டு மழையில் ஜோதிகா!

அனிமல் படம் டிச.1ஆம் தேதி பான் இந்திய படமாக வெளியாக உள்ளது. நானியின் ஹாய் நான்னா படமும் டிச.21ஆம் நாள் பான் இந்திய படமாக வெளியாக உள்ளது குறிப்பித்தக்கது.