‘ஜிப்ஸி’ படத்துக்குப் பிறகு ராஜு முருகன் இயக்கி வரும் படம் ‘ஜப்பான்’. இதில் கார்த்தி நாயகனாகவும், அனு இமானுவேல் நாயகியாகவும் நடிக்கின்றனர். இது கார்த்தியின் 25வது படமெ என்பது குறிப்பிடத்தக்கது. 

தெலுங்கு நடிகர் சுனில், இயக்குநர் விஜய் மில்டன் உள்ளிட்டோர் முக்கிய கதாபாத்திரங்களில் நடிக்கின்றனர்.இந்தப் படத்தை ட்ரீம் வாரியர்ஸ் பிக்சர்ஸ் தயாரிக்கிறது. ஜி.வி.பிரகாஷ்குமார் இசையமைக்கும் இப்படத்திற்கு ரவிவர்மன் ஒளிப்பதிவு செய்கிறார். 

இதையும் படிக்க: லியோ டிரைலரில் தகாத வார்த்தை: சர்சைக்கு முற்றுப்புள்ளி வைத்த லோகேஷ் கனகராஜ்! 

இதற்கடுத்து கார்த்தி தனது 26வது படத்தில் நடித்து வருகிறார். நலன் குமாரசாமி இயக்கும் பெயரிடப்படாத இந்தப்படத்தின் 50 சதவிகித படப்பிடிப்பு முடிந்து விட்டதாகவும் இதில் நடிகை கீர்த்தி ஷெட்டி நடிக்க உள்ளதாகவும் தகவல்கள் வெளியாகியுள்ளன. 

இதையும் படிக்க: மாநகரம் படத்துக்கு முன்பு எழுதிய கதையில்தான் ரஜினி நடிக்கிறார்: லோகேஷ் கனகராஜ் 

மேலும் இதில் நடிகர் சத்யராஜ் வில்லனாக கார்த்தியுடன் இணைந்து நடித்துள்ளார். தம்பி, கடைக்குட்டி சிங்கம் படத்துக்குப் பிறகு நடிகர் சத்யராஜுடன் கார்த்தி இணைந்து நடிக்க உள்ளதும் குறிப்பிடத்தக்கது. 

இதையும் படிக்க: இந்திய சினிமாவில் முதன்முறை: ஜவான் வரலாற்று சாதனை! 

இந்தப் படத்தில் கார்த்தி எம்ஜிஆர் ரசிகனாக நடித்துள்ளதாகவும் தகவல்கள் தெரிவிக்கின்றன. விரைவில் படக்குழு அதிகாரபூர்வமாக அறிவிக்குமென எதிர்பார்க்கப்படுகிறது.