விக்ரம் படத்தின் வெற்றிக்குப் பிறகு இயக்குநர் லோகேஷ் கனகராஜ் நடிகர் விஜய்யுடன் லியோ படத்தினை இயக்கி முடித்துள்ளார். இதில் த்ரிஷா, மிஷ்கின், அர்ஜுன், சஞ்சய் தத் உள்ளிட்ட பல பிரபலங்கள் இணைந்து நடித்துள்ளார்கள். அனிருத் இசையமைத்துள்ளார். 

இதையும் படிக்க: ஜவான் இசை வெளியீட்டு விழாவில் விஜய் குறித்து பேசிய காட்சிகள் நீக்கப்பட்டது ஏன்?: ரசிகர்கள் கொந்தளிப்பு!

லியோ படத்தின் முதல் பாடலான 'நா ரெடி' பாடல் விஜய் குரலில் அவரது பிறந்தநாளை முன்னிட்டு வெளியானது. இப்பாடல் துள்ளல் இசைப் பாடலாக உருவாகியுள்ளது. இதில் விஜய்யுடன் 100க்கும் மேற்பட்ட நடன கலைஞர்கள் நடனமாடி உள்ளனர்.

இதையும் படிக்க:  ஜெயிலர் வெற்றி: அனிருத்துக்கு காசோலை பரிசளிப்பு! 

யூடியூப்பில் 110 மில்லியன் (11 கோடி) பார்வையாளர்களை கடந்துள்ளது குறிப்பிடத்தக்கது. பல பிரபலங்கள் இந்தப் பாடலுக்கு நடனாமாடியுள்ளார்கள். 2 மாதங்கள் ஆகியும் இந்தப் பாடலின் வைஃப் ரசிகர்களிடம் இருந்து அகலவில்லை. 

இந்நிலையில் நா ரெடி பாடலில் அசல் கோளாறு பாடிய பகுதிக்கு நடிகை அதிதி ஷங்கர் தனது காரில் அமர்ந்தபடி வைஃப் ஆகியுள்ள விடியோவை இன்ஸ்டாகிராமில் பகிர்ந்துள்ளார்.  இந்த விடியோவிற்கு அசல் கோளாறும் கமெண்ட் செய்திருந்தார்.  இணையத்தில் வைரலாகியுள்ள  இந்த விடியோ 2 இலட்சத்திற்கும் அதிகமான லைக்குகள் பெற்றுள்ளது குறிப்பிடத்தக்கது. 

இதையும் படிக்க: மார்க் ஆண்டனி டிரைலர்: ஆதரவுக்கு நன்றி தெரிவித்து விடியோ வெளியிட்ட விஷால்! 

நடிகை அதிதி ஷங்கர் தற்போது விஷ்ணுவரதன், ராம்குமார் ஆகியோரது படங்களில் நடித்து வருகிறார். 

லியோ திரைப்படம் அக்.19ஆம் நாள் வெளியாக உள்ளது குறிப்பிடத்தக்கது.