வருவாயை அதிகரிக்க விளம்பரங்களை பயன்படுத்துவது செயலிகளின் பொதுவான நடைமுறையாக இருந்து வருகிறது. அமேசான் ப்ரைம் விடியோ, அடுத்த ஆண்டு தொடக்கத்தில் தொடங்கும் அனைத்து விடியோக்களுக்கும் விளம்பரங்களை அறிமுகப்படுத்தும் திட்டங்களை வெளியிட்டுள்ளது. 

முன்னணி ஓடிடி செயலிகளில் அமேசான் ப்ரைமும் ஒன்று. இந்தியாவில் ஒரு மாதத்துக்கு ரூ.299, 3 மாதங்களுக்கு ரூ.599, ஒரு வருடத்துக்கு ரூ.1499 ஆக கட்டணங்கள் இருக்கின்றன. 

இதையும் படிக்க: இது கேவலமான செயல்: சாய் பல்லவி

அமேசான் ப்ரைம் விடியோ 2024ஆம் ஆண்டில் இரண்டு அடுக்கு சந்தாக்களை வழங்குகிறது. விளம்பரங்களுடன், பிரைம் சந்தாதாரர்கள் விலை, தற்போது அமெரிக்காவில் டாலர் 14.99 (ரூ.1,162)ஆக உள்ளது. மாற்றமில்லை. ஆனால் விளம்பரமில்லாத விடியோக்களுக்கு அமெரிக்காவில் உள்ள சந்தாதாரர்கள் மாதத்திற்கு டாலர் 2.99 (ரூ.248) அடுத்தாண்டு முதல் கூடுதலாக செலுத்த வேண்டும். மற்ற நாடுகளில் கூடுதல் கட்டணம் குறித்து பின்னர் அறிவிக்கப்படுமென அமேசான் தெரிவித்துள்ளது. 

இதையும் படிக்க: விடுதலை - 2 படத்தில் இணைந்த தினேஷ்!

டிஸ்னி ப்ளஸ் ஹாட்ஸ்டார் கடந்த ஆண்டு விலை நிர்ணய மாடலை அறிமுகப்படுத்தியது. விளம்பரமில்லாமல் விடியோக்களை பார்க்க மாதத்திற்கு $10.99 (ரூ.912) வசூலிக்கிறது. இது அக்டோபர் 12முதல் மாதத்திற்கு $13.99 (ரூ.1161)ஆக உயரும். கடந்த ஆண்டு தொடங்கப்பட்ட நெட்பிளிக்ஸின் விளம்பரமில்லாத திட்டத்திற்கு $15.49 (ரூ.1285)செலவாகும். 

இந்தியாவில் எவ்வளவு கட்டணம் கூடுதலாக வசூலிக்கும் என்பது குறித்து விரைவில் அமேசான் அறிவிக்குமென எதிர்பார்க்கப்படுகிறது.