தமிழில் மகிழ் திருமேனி இயக்கத்தில் அருண் விஜய் கதாநாயகியாக நடித்த தடையற தாக்க படத்தின் மூலம் அறிமுகமானவர் நடிகை ரகுல் ப்ரீத் சிங். தொடர்ந்து தீரன் அதிகாரம் ஒன்று, தேவ், என்ஜிகே உள்ளிட்ட படங்களில் நடித்தார். 

சிவகார்த்திகேயனுடன் அவர் நடித்த அயலான் திரைப்படம் விரைவில் திரைக்கு வரவிருக்கிறது. ஷங்கர் இயக்கத்தில் கமல்ஹாசனுடன் இந்தியன் 2 திரைப்படத்திலும் நடித்து வருகிறார். 

தமிழ் மட்டுமல்லாமல், ஹிந்தி, தெலுங்கு, கன்னட மொழி படங்களிலும் ரகுல் முக்கிய நாயகியாக இருக்கிறார். 

இதையும் படிக்க: கான்ஜூரிங் கண்ணப்பன் படத்தின் ஓடிடி வெளியீட்டுத் தேதி அறிவிப்பு!

இந்நிலையில், நடிகை ரகுலும் பெல்பாட்டம், கணபத் படங்களின் தயாரிப்பாளர் ஜாக்கி பக்னானியும் வருகிற பிப்.22 ஆம் தேதி கோவாவில் திருமணம் செய்துகொள்ள இருப்பதாகத் தகவல் வெளியாகியுள்ளது. 

ரகுலும், ஜாக்கி பக்னானியும் நீண்ட நாள்களாகக் காதலித்து வருவதாகக் கூறப்பட்ட நிலையில், இத்தகவல் ரசிகர்களிடையே ஆச்சரியத்தை ஏற்படுத்தியுள்ளது.