இந்தியன் 2 படத்தில் இடம்பெற்றுள்ள பாடல்களின் விவரங்களை படக்குழு வெளியிட்டுள்ளது.

நடிகர் கமல்ஹாசன் நடித்துள்ள இந்தியன் - 2 திரைப்படத்தின் இறுதிக்கட்ட பணிகள் விறுவிறுப்பாக நடைபெற்று வருகின்றன. நாளுக்கு நாள் படத்தின் அப்டேட்களும் வெளியாகிக் கொண்டிருப்பதால் இந்தியன் - 2 மீதான எதிர்பார்ப்பு அதிகரித்துள்ளது. ஏற்கெனவே படத்தில் இருந்து 2 பாடல்கள் வெளியாகி வரவேற்பை பெற்றுள்ளன.

இதனிடையே படத்தின் இசை வெளியீட்டு விழா நாளை( ஜூன் 1 ஆம் தேதி) சென்னை நேரு உள்விளையாட்டு அரங்கில் பிரம்மாண்டமாக நடைபெற உள்ளது. இதில் மம்முட்டி, மோகன்லால், சிரஞ்சீவி, சிவராஜ் குமார், விஜய் சேதுபதி உள்ளிட்டோர் பங்கேற்கின்றனர். இந்த நிலையில் படத்தில் இடம்பெற்றுள்ள பாடல்களின் விவரங்களை படக்குழு இன்று வெளியிட்டுள்ளது.

அதில், மொத்தம் 6 பாடல்கள் படத்தில் இடம்பெற்றிருப்பதாக தெரிவிக்கப்பட்டுள்ளது. படத்தில் கமலுடன் இணைந்து சமுத்திரக்கனி, பாபி சிம்ஹா, காஜல் அகர்வால், சித்தார்த், ராகுல் பிரீத் சிங், பிரியா பவானி சங்கர் என நட்சத்திரப் பட்டாளமே நடித்துள்ளனர். படம் ஜூலை 12ஆம் தேதி திரைக்கு வருகிறது.