கார்த்தியின் வா வாத்தியார் டீசர்!

நடிகர் கார்த்தி நடித்த, வா வாத்தியார் படத்தின் டீசர் வெளியாகியுள்ளது.

கார்த்தி நடிப்பில் வெளியான மெய்யழகன் திரைப்படம் ரசிகர்களிடம் கவனம் பெற்று வெற்றிப்படமாகியுள்ளது. காதல், ஆக்சன் இல்லாமல் இரு ஆண்களின் பழைய நினைவுகளாக உருவான இப்படம் நல்ல விமர்சனங்களையே பெற்றது.

தொடர்ந்து, ‘சூது கவ்வும்’, ‘காதலும் கடந்து போகும்’ உள்ளிட்ட படங்களை இயக்கிய இயக்குநர் நலன் குமாரசாமி இயக்கத்தில் கார்த்தி நடித்து முடித்துள்ளார். 

இப்படத்திற்கு ‘வா வாத்தியார்’ எனப் பெயரிட்டுள்ளனர். சந்தோஷ் நாராயணன் இசையமைத்திருக்கிறார்.

இதையும் படிக்க: பிளடி பெக்கர் விநியோகஸ்தருக்கு நஷ்டஈடு வழங்கிய நெல்சன்!

இப்படத்தில் நாயகியாக கிருத்தி ஷெட்டியும், வில்லனாக நடிகர் சத்யராஜும் முக்கியக் கதாபாத்திரம் ஒன்றில் நடிகர் ராஜ்கிரணும் நடித்துள்ளனர். பொங்கல் வெளியீடாக அடுத்தாண்டு ஜனவரி மாதம் திரைக்கு வரவுள்ளது.

இந்த நிலையில், இப்படத்தின் டீசரை இன்று வெளியிட்டுள்ளனர். காவல்துறை அதிகாரியாக கார்த்தியின் தோற்றமும் சந்தோஷ் நாராயணனின் பின்னணி இசையும் ரசிக்க வைக்கின்றன.