நடிகர் கவின் நடித்த கிஸ் படத்தின் டீசர் வெளியீடு குறித்த புதிய அப்டேட் வெளியாகியுள்ளது.

நடிகர் கவின் ஸ்டார் படத்திற்குப் பின் பிளடி பெக்கர் படத்தில் நடித்தார். கலவையான விமர்சனங்களைப் பெற்றாலும் பெரிதாக வணிக தோல்வியை படம் சந்திக்கவில்லை.

தொடர்ந்து, வெற்றி மாறன் தயாரிப்பில் மாஸ்க் என்கிற படத்தில் நடித்து முடித்துள்ளார். இப்படம் ஏப்ரல் வெளியீடாகத் திரைக்கு வருகிறது.

தற்போது, நடன இயக்குநர் சதீஷ் இயக்கத்தில் கவின் நடித்துவந்த கிஸ் திரைப்படத்தின் படப்பிடிப்பு நிறைவடைந்துள்ளது.

காதல் கதையாக உருவான இதில் நடிகை ப்ரீத்தி அஸ்ரானி நாயகியாக நடித்துள்ளார்.

இப்படத்தின் முதல் பார்வை போஸ்டர் சமீபத்தில் வெளியானது. இந்தப் படத்தின் டீசர் பிப். 14 ஆம் தேதி மாலை 5.04 மணிக்கு வெளியாகும் என நடிகர் கவின் தனது எக்ஸ் பக்கத்தில் தெரிவித்துள்ளார்.