பிரபல ஹாலிவுட் நடிகை கேட் வின்ஸ்லட் இயக்குநராக அறிமுகமாகிறார்.

டைட்டானிக் படத்தின் மூலம் உலகளவில் பிரபலமானவர் நடிகை கேட் வின்ஸ்லட் (kate winslet). கதைநாயகனை மூர்க்கமாகக் காதலிக்கும் நாயகியாக நடித்த கேட், படத்தில் பேரழகியாகக் காட்சிப்படுத்தப்பட்டார்.

நாயகன் டிகாப்ரியோ, கேட் வின்ஸ்லட்டை ஓவியமாக வரையும் காட்சி இன்று வரை மிகப்பிரபலம். இயக்குநர் ஜேம்ஸ் கேமரூனால் பிரம்மாண்ட வெளிச்சம் கிடைத்த கேட் வின்ஸ்லட் சினிமாத்துறையில் பெரிதாக வலம் வருவார் என எதிர்பார்க்கப்பட்டது.

இதையும் படிக்க: ஹிந்தியில் படுதோல்வியடைந்த லவ் டுடே ரீமேக்!

ஆனால், சில வெற்றிப்படங்கள் மற்றும் தொலைக்காட்சித் தொடர்களைத் தாண்டி அவரால் உச்சம் தொடமுடியவில்லை.

இந்த நிலையில், முதல் முறையாக கேட் வின்ஸ்லட் ‘குட்பை ஜூன்’ (Gooodbye june) என்கிற படத்தின் மூலம் இயக்குநராக அறிமுகமாவதுடன் இப்படத்தை அவரே தயாரிக்கவும் செய்கிறார்.

இங்கிலாந்தில் நடக்கும் ஜனரஞ்சகமான கதையாக இது இருக்கும் எனத் தகவல்கள் தெரிவிக்கின்றன. இப்படத்தை நெட்பிளிக்ஸில் நேரடியாக வெளியிட திட்டமிட்டுள்ளனராம்!