மாமன் படப்பிடிப்பில் நடிகை ஸ்வாசிகாவுக்கு காயம் ஏற்பட்டுள்ளது.

நடிகர் சூரி விடுதலை, கருடன், கொட்டுக்காளி படங்களைத் தொடர்ந்து விலங்கு இணையத் தொடர் மூலம் கவனம் ஈர்த்த இயக்குநர் பிரசாந்த் பாண்டியராஜ் இயக்கத்தில் சூரி நாயகனாக நடிக்கிறார்.

லார்க் ஸ்டூடியோஸ் தயாரிப்பில் உருவாகும் இப்படத்திற்கு, ‘மாமன்’ எனப் பெயரிட்டுள்ளனர். பிரபல இசையமைப்பாளர் ஹேஷம் அப்துல் வஹாப் இப்படத்திற்கு இசையமைக்கிறார்.

இதையும் படிக்க: தனுஷ் இயக்கத்தில் அஜித்?

உறவுகளின் பின்னணியில் உருவாகும் இப்படத்தில் நாயகியாக ஐஸ்வர்யா லட்சுமி நடிக்க நடிகை ஸ்வாசிகா சூரியின் தங்கையாக நடிக்கிறார்.

லப்பர் பந்து படத்தின் மூலம் பிரபலமடைந்த ஸ்வாசிகா தமிழில் சூர்யா - 45 படத்திலும் நடித்து வருவது குறிப்பிடத்தக்கது.

இந்த நிலையில்,மாமன் படப்பிடிப்பின்போது சண்டைக் காட்சி ஒன்றில் நடித்த ஸ்வாசிகாவுக்கு இடது கையில் காயம் ஏற்பட்டுள்ளது. இதுகுறித்து, இன்ஸ்டாவில் தெரிவித்த ஸ்வாசிகா சில நாள்கள் ஓய்வுக்குப் பின் படப்பிடிப்புக்குத் திரும்புவார் எனத் தெரிகிறது.