சந்தானம் நடித்துள்ள டிடி நெக்ஸ்ட் லெவல் படத்தில் செல்வராகவன் கதாபாத்திர அறிமுக விடியோ அப்டேட் வெளியாகியுள்ளது.

நடிகர் சந்தானம் டிடி ரிட்டன்ஸின் அடுத்த பாகமான டிடி நெக்ஸ்ட் லெவல் (DD next level) படத்தில் திரை விமர்சகர் கதாபாத்திரத்தில் நடித்துள்ளதால் ரசிகர்களிடம் எதிர்பார்ப்பு அதிகரித்துள்ளது.

பிரேம் ஆனந்த இயக்கிய இப்படத்தில் கௌதம் மேனன், செல்வராகவன், மாறன், மொட்டை ராஜேந்திரன் உள்ளிட்டோர் நடித்துள்ளனர்.

இப்படம் மே 16 ஆம் தேதி திரைக்கு வரவுள்ள நிலையில், இதன் டிரைலர் சமீபத்தில் வெளியாகி கவனம் பெற்றது.

ஹாரர் காமெடி படமாக உருவாகியுள்ள இப்படத்தின் டிரைலரில் சந்தானம், மொட்டை ராஜேந்திரன் மற்றும் கௌதம் வாசுதேவ் மேனன் காட்சிகள் ரசிகர்களிடையே ஆர்வத்தை ஏற்படுத்தியுள்ளன.

இந்நிலையில், இப்படத்தின் செல்வராகவனின் கதாபாத்திரம் அறிமுக விடியோ இன்றிரவு 7 மணிக்கு வெளியாகுமென அறிவிக்கப்பட்டுள்ளது.

இந்தப் படத்தில் ஹிட்ச்காக் இருதயராஜ் என்ற பெயரில் செல்வராகவன் நடித்துள்ளதாகத் தெரிகிறது.