காங்கிரஸ் தலைவர் ராகுல், நிபா வைரஸ் போன்றவர் என ஹரியாணா அமைச்சர் அனில் விஜ் செவ்வாய்கிழமை விமர்சித்துள்ளார்.

இதுகுறித்து ஹரியாணா அமைச்சர் அனில் விஜ் செய்தியாளர்களிடம் கூறியதாவது:

காங்கிரஸ் தலைவர் ராகுல், நிபா வைரஸ் போன்றவர். அவர் எந்தக் கட்சியுடன் சேர்ந்தாலும் அதை அழித்துவிடுவார். வருகிற 2019 நாடாளுமன்றத் தேர்தலில் அனைவரும் ஒன்றிணைய திட்டமிட்டுள்ளனர். ஆனால் அவர்கள் அத்தனை பேரும் இதில் காணாமல் போவார்கள் என்றார்.

முன்னதாக, காங்கிரஸ் தலைவராக ராகுல் பதவியேற்றதன் மூலம், காங்கிரஸ் இல்லா பாரதத்தை ஏற்படுத்தும் பணியை பிரதமர் நரேந்திர மோடிக்கு ராகுல் சுலபமாக்கியுள்ளார். இதை நான் வரவேற்கிறேன் என்று அமைச்சர் அனில் கூறியிருந்தது குறிப்பிடத்தக்கது.