வாக்காளர்களுக்கு பாஜக கொடுக்கும் பணத்தை வாங்கிக் கொள்ளுங்கள். ஆனால், திரிணமூல் கட்சிக்கு வாக்களியுங்கள் என்று பாஜக எம்.பி. அபிஷேக் பானர்ஜி கூறியுள்ளார்.

திரிணமூல் காங்கிரஸ் கட்சியைச் சேர்ந்த எம்.பி. அபிஷேக் பானர்ஜி பொதுக் கூட்டத்தில் பேசுகையில், வாக்குக்கு பணம் பெறும்போது, வெறும் ரூ.500 வாங்காதீர்கள். ரூ.5000 கொடுக்கச் சொல்லுங்கள். பாஜக வாக்குக்கு பணம் கொடுத்தால் வாங்கிக் கொள்ளுங்கள். தாமரையிடமிருந்து பணம் வாங்கிக் கொண்டு இரட்டைப் பூக்கள் கொண்ட திரிணமூலுக்கு வாக்களியுங்கள் என்றார்.

அவர்கள் உங்களை ஏமாற்றலாம் என்றால், நீங்கள் ஏன் அவர்களை ஏமாற்றக் கூடாது என்று கேள்வி எழுப்பினார். மேலும், வெளிநபர்கள் நம்மை ஆள வேண்டுமா அல்லது மேற்கு வங்கத்தின் மகள் மம்தா பானர்ஜி வேண்டுமா என்பதை மக்கள்தான் தீர்மானிக்க வேண்டும் என்றார்.