புதுதில்லி: ஜேஇஇ முதன்மை (அட்வான்ஸ்ட்) தோ்வு நடைபெறவுள்ள தேதியை மத்திய அரசு திங்கள்கிழமை அறிவித்தது.

இதுதொடா்பாக மத்திய கல்வித்துறை அமைச்சா் தா்மேந்திர பிரதான் சுட்டுரையில் வெளியிட்ட பதிவில், ‘‘இந்திய தொழில்நுட்பக் கல்வி நிறுவனங்களில் (ஐஐடி) சோ்க்கை பெறுவதற்கான ஜேஇஇ முதன்மைத் தோ்வு அக்டோபா் 3-ஆம் தேதி நடைபெறும். கரோனா பரவல் தடுப்பு விதிமுறைகள் அனைத்தையும் பின்பற்றி தோ்வு நடத்தப்படும்’’ என்று தெரிவித்தாா்.

முன்னதாக ஜூலை 3-ஆம் தேதி நடைபெறவிருந்த ஜேஇஇ முதன்மைத் தோ்வு கரோனா தொற்று காரணமாக ஒத்திவைக்கப்பட்டது.

நாட்டில் உள்ள பொறியியல் கல்லூரிகளில் சோ்க்கை பெறுவதற்கு ஜேஇஇ முதல்நிலை (மெயின்ஸ்) தோ்வு நடத்தப்படுகிறது. அந்தத் தோ்வு ஜேஇஇ முதன்மைத் தோ்வை எழுதுவதற்கான தகுதித் தோ்வாகவும் கருதப்படுகிறது.