கேரளத்தில் புதிதாக 12,617 பேருக்கு கரோனா

கேரளத்தில் புதிதாக 12,617 பேருக்கு கரோனா நோய்த் தொற்று இருப்பது செவ்வாய்க்கிழமை உறுதி செய்யப்பட்டுள்ளது.

இதைத் தொடர்ந்து, அந்த மாநிலத்தில் மொத்தம் பாதித்தோர் எண்ணிக்கை 28,29,510 ஆக உயர்ந்துள்ளது. மேலும் 141 பேர் நோய்த் தொற்றுக்கு பலியானதையடுத்து, மொத்த பலி எண்ணிக்கை 12,295 ஆக உயர்ந்துள்ளது.

கடந்த 24 மணி நேரத்தில் 11,730 பேர் நோய்த் தொற்றிலிருந்து குணமடைந்து வீடு திரும்பியுள்ளனர். இதுவரை மொத்தம் 27,16,284 பேர் குணமடைந்துள்ளனர்.

இன்றைய நிலவரப்படி 1,00,437 பேர் இன்னும் நோய்த் தொற்றுக்கான சிகிச்சை பெற்று வருகின்றனர்.

புதிதாக பாதிக்கப்பட்டவர்களில் 60 பேர் வெளிமாநிலங்களிலிருந்து வந்தவர்கள். 11,719 பேர் தொடர்பிலிருந்ததன் மூலம் பாதிக்கப்பட்டுள்ளனர்.

கடந்த 24 மணி நேரத்தில் 1,17,720 மாதிரிகள் பரிசோதிக்கப்பட்டன. தொற்று பாதிப்பு இருப்பது உறுதி செய்யப்படும் விகிதம் 10.72 சதவிகிதம்.