மம்தா கட்சியை நோக்கி படையெடுக்கும் பிரபலங்கள்

திரிணமூல் காங்கிரஸ் கட்சியில் பிரபல டென்னிஸ் வீரர் லியாண்டர் பயஸ் இன்று இணைந்துள்ளார். கோவாவில் நடைபெற்ற நிகழ்ச்சியில் கட்சியின் தலைவரும் மேற்குவங்க முதல்வருமான மம்தா பானர்ஜி முன்னிலையில் அவர் கட்சியில் இணைந்தார். 

கோவாவில் அடுத்தாண்டு சட்டப்பேரவை தேர்தல் நடைபெறவுள்ள நிலையில், திரிணமூல் காங்கிரஸ் கட்சியை நோக்கி பிரபலங்கள் படையெடுத்த வண்ணம் உள்ளனர். முன்னதாக, நடிகர்கள் நஃபிசா அலி, மிருணாளினி தேஷ்பிரபு ஆகியோர் மம்தா கட்சியில் இணைந்தனர்.

இதையும் படிக்க | உ.பி.யில் உயிரிழந்த விவசாயிகளின் குடும்பத்தினரை நேரில் சந்தித்து ஆறுதல் தெரிவித்த பிரியங்கா காந்தி

இதுகுறித்து திரணமூல் காங்கிரஸ் கட்சியின் அதிகாரப்பூர்வ ட்விட்டர் பக்கத்தில், "2014ஆம் ஆண்டு முதல் விடியலை நோக்கி காத்துக் கொண்டிருக்கிறோம். தேசத்தில் உள்ள அனைவரும் ஜனநாயகத்தின் விடியலை பார்க்க அனைவரும் ஒருங்கிணைந்து செயல்படுவதை உறுதி செய்ய வேண்டும்" என பதிவிடப்பட்டுள்ளது.