மகாராஷ்டிரம்: ஒமைக்ரான் பாதிப்பு கண்டறியப்பட்ட 7 பேர் எங்கிருந்து வந்தவர்கள்?

மகாராஷ்டிரத்தில் புணேவைச் சேர்ந்த 7 பேருக்கு ஞாயிற்றுக்கிழமை ஒமைக்ரான் வகை கரோனா பாதிப்பு இருப்பது கண்டறியப்பட்டுள்ளது.

மகாராஷ்டிரத்தில் ஏற்கெனவே ஒருவருக்கு ஒமைக்ரான் வகை கரோனா பாதிப்பு இருப்பது கண்டறியப்பட்ட நிலையில், மேலும் 7 பேருக்கு ஒமைக்ரான் பாதிப்பு இருப்பது இன்று (ஞாயிற்றுக்கிழமை) கண்டறியப்பட்டது.

பாதிக்கப்பட்டவர்கள் யார் என்பதன் விவரத்தை சுகாதாரத் துறை அதிகாரி ஒருவர் வெளியிட்டுள்ளார். சகோதரரைச் சந்திப்பதற்காக நைஜீரியாவிலிருந்து இரு மகள்களுடன் புணே வந்த பெண்ணுக்கு ஒமைக்ரான் பாதிப்பு இருப்பது கண்டறியப்பட்டது.

இதையும் படிக்க | ராஜஸ்தானில் 9 பேருக்கு ஒமைக்ரான்: நாட்டின் மொத்த பாதிப்பு 21 ஆக உயர்வு

அவருடன் தொடர்பிலிருந்த இரு மகள்கள், சகோதரர், சகோதரரின் மகன்கள் இருவர் என மொத்தம் 6 பேருக்கு ஒமைக்ரான் பாதிப்பு பரவியுள்ளது. மற்றொருவர் கடந்த வாரம் பின்லாந்திலிருந்து புணே திரும்பியுள்ளார்.

இதன்மூலம், மகாராஷ்டிரத்தில் மட்டும் ஒமைக்ரான் பாதிப்பு கண்டறியப்பட்டவர்களின் மொத்த எண்ணிக்கை 8 ஆக உயர்ந்துள்ளது. 

முன்னதாக, தென் ஆப்பிரிக்காவிலிருந்து தில்லி வழியாக நவம்பர் 23-ம் தேதி மும்பை வந்த நபருக்கு ஒமைக்ரான் வகை கரோனா பாதிப்பு இருப்பது கண்டறியப்பட்டது.